SAJAK SUNDA









SAJAK LAGU WAJIB

Godi Suwarna


Tingkelentrung sora lodong
Teu kaitung nu ngepung
Nguriling bungking

"Satu nusa, satu bangsa
Satu bahasa kita!" 

Gumuruh soraning lodong
Tina jajantung gorowong
Dilaung-laung genggerong

"Sudah bébas negri kita
Énonésya merdéka!"

Lodong pada lodong kosong
Jeung lohong pacowong-cowong
Jeung songong pabohong-bohong
Teu salempang kong kalikong
Teu hariwang najan méhong
Kahongkeun ku si mandahong

"Garuda Pancasila
Akulah penuh kumu!"

Rampak lodong
Dipirig lodong jeung lodong
Sedengkeun dapuran awi
Tinggal tunggul tinghariul
Ngarep-ngarep renung iwung
Teu hayang ngalodong kosong

"Tak gentar, tak gentar
Menyerang, menyerang
Majulah, majulah menang!" 

(1996)

--------------------------------------------------

Calung Alam: "Batok Ngisang"
Di "Bumi Ageung", Pagerageung.

Subscribe to receive free email updates:

0 Response to "SAJAK SUNDA"

Post a Comment