HAMPURA, ABAH

ku: Iwan Al-Aswad

Kuring bati ngerik

Basa 'na televisi

Jalma-jalma pating jumpalik

ditarajang pélor tarik

Kuring bati ngerik

yén muslim golongan leutik

bati jadi sasaran licik

Di wewengkon nagri deungeun

Baréto

basa kuring keur leutik

Nongtoréng papatah abah

Di jero tajug nutumaninah;

Anjeun kudu welas asih

Boh kasato sumawona jalma

Ulah jail kaniaya

Komo niat ngarogahala

Hampura Abah

Kuring taat kana papatah

Tapi batur malah marotah

Nyawa dianggap saukur runtah

Pédah béda anu disembah

Hampura abah

Kuring seja neda widi

Pikeun nyoba ngabela diri

Sabab téréh cunduk waktu

Salah bener pagaliwota

Matak saru milihanna

Hampura Abah

Sim kuring seja bébéla

Ka korban nu dirogahala

Sanajan ukur bisa ngawakca

"Save moslem New Zealand"

Sukabumi, Medio Maret 2019

MILIKI MAJALAH PENDIDIKAN GUNEMAN

EDISI 1 TAHUN V 2019

UNTUK BERLANGGANAN HUBUNGI NO. WA:

0821-2722-5655 (OESEP) atau 0812-2017-090 (MARDIAH)

PENGIRIMAN NASKAH:

Guneman Online: gunemanonline@gmail.com

Geneman Cetak: guneman_magazine@yahoo.com