Gara-gara Game


 Siti Musawaroh.

Guru SD Negeri Soge di Kecamatan Kandanghaur, Indramayu.

(Cridek, Crita Cindek, Carpon basa  Indramayu)

Ndodok jentul sembari nyawang pari sing wis kuning sawahe kaji Samin wong kidul umah. Pikirane mana-mana, mikiri wa Lonyod lakine. Nangapa, ya, sekien sikapé kaya rada-rada séjén. Biasane kopi seliter entok, sekien mah beli, biasane sambel terasi kemliket lalap e jengkol, skien mah bli. Mangan lauke  kader oncom bae sampe urug pindo ping telu, skien mah bli. Apa sing ganggu pikirane wa Lonyod ya? (pikir bi Daskem)

Kang Lonyod……apa cinta né wis berkurang?

Rasané péngén jerit serosa-rosa né, péngén nangis sesanter-santeré. Ati lara, dugal bli metu. Iku sing dirasakena bi Daskem dina kien, lawasé kang Lonyod bli doyan mangan sampe seminggu. Lawase kang Lonyod bli niliki sawah sepetak sing mencos sampe 3 minggu. Pikiran bli karuan, mung bisa ngelus dada sembari nétés banyu mata, duhhh lara ….

Molah ning umah bli karuan, si otong njaluk mangan dipai né mung piring lan séndok ba, arep goreng oncom sing digoréng malah wajan é dipai banyu, komo lagi adus mah arep sikatan nyototé dudu odol tapi sampo, Gustiiiii ….

Jagad soré wa Lonyod balik meng umah, peralatan nguli né wis disimpen ning genahé, sing lagi dipikiri é mah, ora ya ora embuh. Akhiré bi Daskem ngomong, rupané wis bli tahan curiga baé ning lakiné, mengkénén kandaané:

Bi Daskem    : (mbari nétés banyu mata kaya ning sinétron) “Kang….nangapa Dika kuh wis séjén?” (gayané persis pisan kaya film ning tipi)

Wa Lonyod    : “sejen apane sih? Aja ilok prasangka sing bli-bli gah” (mbari nguculaken kolor trus digantung ning paku)

Bi Daskem    : “Ari Dika sih blli kaya biasané, bli ngeli mangan, bli lali turu, énak-énak turu, gejekiné HP, énak-énak ngopi, ndelengé HP, lagi mangan uga mriksané HP”

Wa Lonyod    : “Sira cemburu ning HP tah?” (takon wa Lonyod ning rabiné, bi Daskem)

Lamun dipikir-pikir maning lan ngeraba ning njeroning ati bi Daskem, apa iya  ya dhéwéké cemburu ning HP?

Wa Lonyod    : “Eh … nok Daskem sing demplon, blaem-blaem … reang kih lagi kedanan nok ...”

Bi Daskem    : (kuh ya jare gah, pasti ana wong wadon sejen ning HP ne) “Cocog karo sing dipikiraken, sampeyan lagi kedanan wong wadon sejen, coba…..sapa…..wonge……pengen weruhhhh” (bari nangis kamisesegan)

Wa Lonyod    : “Ceg kih ndeleng déwék” (mbari ngulungaken HP sing wis dibuka menu né)

Wis ana prasangka sing blesak lan sing beli-beli ning laki, tapi barang dideleng mah, isine HP wa Lonyod kuh game FF.

Mmmmmmm pantesan,  kita ora diduil-duil ya, gara-gara né mah game FF baé, nangisé bi Daskem ganti karo gemuyu.


Soge, 29 Oktober 2020



Subscribe to receive free email updates:

0 Response to "Gara-gara Game"

Post a Comment